【قات سۅۅگۉ : 】
قىرعىزسستاندىن تۉشتۉگۉندۅ ورۇن العان توپولوڭ جانا ۇباقتىلۇۇ ۅكۉمۅتتۉن كۅرۉپ جاتقان ئش-چارالارى تۇۇرالۇۇ باتىشتىن باسما سۅز قاراجاتتارىندا كۅڭۉل بۇرۇلدۇ.
Eurasia View ئنتەرنەت باراقچاسىندا اپتا سوڭۇندا جارىيالانعان ەكى ماقالادا قىرعىزىستاندىن تۉشتۉگۉندۅ بولعون قووعالاڭدىن تۉپكۉرۉندۅ جاتقان سەبەپتەر ىلىكتۅۅگۅ الىنعان. بئرىنچى ماقالادا ئيۇن ايىندا تۉشتۉكتۅ ورۇن العان ەتنوستور ارالىق ارازداشۇۇلارعا <حئزب-ۇت تاحرىر> جانا ۅزبەكىستاندىن ئسلام قىيمىلى ۅڭدۉۉ رادىكالدۇۇ ۇيۇمداردىن قاتىشى بولدۇبۇ دەگەن سۇروونۇن جاندىرماعى ىزدەلگەن. ەكىنچى ماقالادا بولسو تۉشتۉكتۅگۉ توپولوڭعو ۇيۇشقان قىلمىشتۇۇ توپتوردۇن تىيەشەسى ىلىكتەنىپ، بۇعا بايلانىشتۇۇ ايرىم ادىستەردىن پىكىرلەرى باياندالعان.
<Wall Street Journal> گەزىتى ۅتكۅن اپتادا چىققان ساندارىنىن بىرىندە قۇلاتىلعان پىرەزىدەنت قۇرمانبەك باكىيەۋدىن ئنىسى اقمات باكىيەۋدىن جالال-اباددا قارمالعانىن ماالىمداپ، <جالال-اباددىن <كۅمۉسكۅ گۇبەرناتورۇ> اتالعان اقمات باكى يەۋ تۉشتۉكتۅگۉ توپولوڭعو تىيەشەسى بار دەپ ايىپتالىپ جاتقانىن جازدى.
لوندوندۇن <Guardian> گەزىتى دا مۇرداعى پىرەزىدەنت قۇرمانبەك باكىيەۋدىن ئنىسى اقمات باكىيەۋ جالال-اباددا قارمالعانىن بىلدىرگەن. گەزىت <اقمات باكىيەۋ تۉشتۉكتۅگۉ توپولوڭعو تىيەشەسى بولعونۇن موينۇنا الدى> دەگەن ىچكى ىشتەر مئنىستىرىنىن ورۇن باسارى مەلىس تۇرعانبايەۋدىن سۅزدۅرۉنۅ شىلتەمە جاساپ، انى ۇتۇرلاي قۇرمانبەك باكىيەۋدىن ئنىسى جانىش باكىيەۋدىن ورۇن باسارى نۇرلان تەمىربايەۋ باشقى پىروكۇراتۇراعا ۅزۉ كەلىپ بەرگەنىنە كۅڭۉلدۉ بۇرعان.
<Irish Times> گەزىتىندە چىققان ماقالادا <قىرعىزىستاندىن تۉشتۉگۉندۅ قارمالىپ جاتقان ۅزبەك ۇلۇتۇنداعى ادامدار قووپسۇزدۇق قىزماتچىلارى تارابىنان قىينوولورعو الىنىپ جاتات> دەپ بۇۇنۇن ادام ۇقۇقتارى بويۇنچا باشقى كومىسسارى ناۋئ پىللەيدىن ايتقان سۅزدۅرۉنۉن تەگەرەگىندە كەپ سالعان. اندا پىللەي <مەنىن قىرعىزىستانداعى جاردامچىلارىما جەرگىلىكتۉۉ بىيلىك مئيزامسىز قارماپ كەتۉۉلۅردۉن، قىيناپ-سابوولوردۇن، قارمالعانداردى ايىپتى مويۇنعا الدىرۇۇ ۉچۉن ۇر-توقموققو الۇۇلاردىن فاكتىلارىن كۅرمۅكسۅنگۅ سالىپ جاتىشقانى تۇۇرالۇۇ ماالىماتتار كەلدى. كۅپچۉلۉگۉ جاش جانا دەەرلىك باردىعى ۅزبەك ۇلۇتۇنداعى ادامدار ۇلۇتقا بۅلۉپ مامىلە جاسووچۇلۇقتۇن نەگىزىندە، ەل ارالىق ۇقۇق نورمالارىن بۇزۇۇ مەنەن قارمالىپ جاتىشات> دەپ بايانداعان.
باش كەڭسەسى سىيۇرىح قالااسىندا جايلاشقان <ەل ارالىق ىزىلدۅۅلۅر جانا قووپسۇزدۇق تۉيۉنۉ> اتتۇۇ بەيۅكۉمۅت ۇيۇمدۇن باراقچاسىندا چىققان ماقالادا، تۉستۉۉ ىنقىلاپتاردىن باشىندا قارا بۇلۇتتار تۉنۅرۅ باشتاعانى بئلدىرىلىپ، بۇعا ۇكرايىناداعى سارگىلت جانا قىرعىزىستانداعى جووعازىن ىنقىلاپتار مئسالعا تارتىلعان.
ماقالانىن قىرعىزىستانعا ارنالعان بۅلۉمۉندۅ ا ق ش قىرعىزىستاندا دەموكراتىيانى ورنوتۇۇ تۇۇرالۇۇ بەرەشەن ۇبادالاردى بەرىپ كەلگەنىنە قاراباستان، ۋاشىنگىتوندۇن 11- سەنتيابىرداعى وقۇياسىنان بەرى قىرعىزىستانداعى <ماناس> ابا بازاسىنا قىزىعۇۇ كۉچ بولعونۇ بىلدىرىلەت. س س س ر ىدىراعاندان 19 جىل ۅتكۅندۅن كىيىن مۇرداعى سوۋەتتىك جارانداردىن باسىمدۇۇ كۅپچۉلۉگۉنۉن تۇرمۇشۇ دەگەلە جاقشىرباعانى باياندالىپ، اندا مۇنۇ ۇكرايىناداعى شايلوولوردۇن ناتىيجاسى جانا قىرعىزىستاندىن كۅچۅلۅرۉندۅگۉ توپولوڭدور داانا چاعىلدىرىپ جاتقانى دالىلدەلەت.
كەزەكتەكى ووردۇڭۇز : 
باتىش باسما سۅزۉ قىرعىزىستان تۇۇرالۇۇ ەمنە دەيت؟ 
كۅچۉرۉپ الۇۇ 
باسىپ چىعارۇۇ 
دان «باتىش باسما سۅزۉ قىرعىزىستان تۇۇرالۇۇ ەمنە دەيت؟» عا بايلانىشتۇۇ مازمۇندۇ ئزدۅۅ
