【قات سۅۅگۉ : 】
يەۋروپا قووپسۇزدۇعۇ جانا قىزماتتاشتىعى ۇيۇمۇ ( ە ق ق ۇ ) نۇن پولىتسئيا توبۇنۇن قىرعىزستاندىن تۉشتۉگۉنۅ كىرگىزىلىشىنە قارشى مئتىنگگە ەكى مئڭدەن اشۇۇن كىشى قاتىشتى. الار ادەگەندە مىندايعا چەچىمدى قۇباتتاعان ۅلكۅ جەتەكچىلىگىن ايىپتاشىپ، الاردى ەلدىن پىكىرى مەنەن ەسەپتەشۉۉگۅ چاقىرىشتى.
اندان سوڭ اكتسئيا قاتىشۇۇچۇلارى تۉز ەلە ە ق ق ۇ نۇن وش شاارىنداعى كەڭسەسىن قاراي جۉرۉش جاساپ، ۇيۇمدۇن ايماقتاعى باشچىسىنا تالاپتارىن تاپشىرىپ، ال اتقارىلباسا 29-ىيۇلدا ۇيۇم ۅلكۅدۅن چىعىپ كەتىشى كەرەكتىگىن ەسكەرتىشتى.
وش شاارىنىن بوربوردۇق ايانتىندا قولدورۇنا «قىرعىز ەلى ە ق ق ۇ پولىتسئياسىنا قارشى»، «ە ق ق ۇ پولىتسئياسى جوعولسۇن»، «وش شاارى ەكىنچى كوسوۋو بولۇشۇنا قارشىبىز»، «قىرعىزستاندىن ىچكى پروبلەماسىن ەل ۅزۉ چەچسىن! تىشقى كۉچتۅر كىيلىگىشپەسىن!» دەگەن جازۇۇلارى بار پلاكاتتاردى كۅتۅرگۅن اكتسئياعا بايقووچۇلاردىن باامىندا، ەكى مئڭدەن اشۇۇن، ۇيۇشتۇرۇۇچۇلاردىن ەسەبىندە بەش مئڭگە جاقىن كىشى قاتىشتى.
مئتىنگدىن ۇيۇشتۇرۇۇچۇلارىنىن بئرى – « مىيزامدۇۇلۇقتۇ قورعوو » قوومدۇق بئرىكمەسىنىن باشچىسى ابدىقايىم قانگەلدىيەۋ ەلدىن تىنچسىزدانۇۇسۇن تۅمۅنكۉچۅ تۉشۉندۉردۉ:
- وشتوعۇ اقىرقى قووعالاڭدى الدىن الباعاندىقتان مئڭدەگەن قىرعىزدار ۅلۉپ، دايىنسىز بولۇپ جاتقان چاقتا وتۇنباييەۋا باشىندا تۇرعانداردىن بئيلىكتە وتۇرعانعا مورالدىق اقىسى جوق. قوقۇس ۅلكۅگۅ پولىتسئياچىلار كىرگىزىلسە، اندا تۉندۉك-تۉشتۉك قىلىپ بۅلۉپ-جارۇۇ ساياساتى جۉزۅگۅ اشات.
ال ەمى جاشتاردىن اتىنان سۉيلۅگۅن يۇرۇسلان ىستانوۋ بۇلارعا توقتولدۇ:
- ۅلكۅدۅگۉ باشالاماندىققا تىيەشەسى بار دەپ شەكتەلگەن باكىيەۋدەردەن باشقالارى نەگە قارمالبايت ؟ ىيۇنداعى جاڭجالدى ۇيۇشتۇرۇپ، اتۉگۉل قارجىلاعان، ۇچۇردا چەت ۅلكۅدۅ قاچىپ جۉرگۅن ۅزبەك لىدەرلەرى قارمالىپ، ەل الدىندا جووپ بەرىشىن تالاپ قىلابىز!
اكتسئياعا قاتىشقان «ەرك» پارتئياسىنىن تۅراعاسى، قىرعىزستاندىن مالايزئياداعى ەلچىسى تۇرسۇنباي باكىر ۇۇلۇ ماسەلە چەچىلىپ قالعاندىعىن، انى كۅتۅرۉۉ زارىلچىلىعى جوقتۇعۇن بەلگىلەدى:
- بئروق بۇلار كەتكەندەن كىيىن ەرتەدىر-كەچتىر قايرا سوعۇش باشتالسا قانتىپ تاباسىڭ ؟ انتكەنى الار ارتقا قايرىلىشپايت. «قاندايسىڭ قىرعىز ؟ قاندايسىڭ ۅزبەك ؟ » دەپ سۇراپ دا قويۇشپايت. وشوندۇقتان پولىتسئياچىلاردى العاچقى كۉندۅن تارتا بئيلىك ەمەس، ەل جانا قوومچۇلۇق تاقاي كۅزۅمۅلدۅشۉ ابزەل. الار قاتاچىلىق كەتىرسە اندا ئشەنبەستىك كۅرسۅتكۅن وڭ.
تۇرسۇنباي باكىر ۇۇلۇ ۅز سۅزۉندۅ جاقىندا ئشكە كىرىشە تۇرعان وش وقۇياسىن ئلىكتۅۅچۉ ەل ارالىق كومىسسئيانىن جووپكەرچىلىگى قىرعىز بئيلىگىنىن موينۇندا ەكەندىگىن قوشۇمچالادى:
- ماالىمات سوعۇشۇندا انسىز دەلە جەڭىلدىك. ەمى ە ق ق ۇ نۇن كومىسسئياسى قىرعىز ماملەكەتىنە قارشى چەچىم توقۇسا، بۇلار ەكى ەلدىن ورتوسۇنا وت جاعىپ، جاڭجالدى ىرباتسا، وشەنتىپ جەرگەبئزدە تىنچچىلىق ورنوبوسو، اندا بۇل چىققىنچىلىق دەسەك جاڭىلىشپايبىز. سەبەبى بئز ەمەس كومىسسئيانى ۅلكۅ جەتەكچىلىگى چاقىربادىبى.
اكتسئيانىن قاتىشۇۇچۇلارى اندان ارى يەۋروپا قووپسۇزدۇعۇ جانا قىزماتتاشتىعى ۇيۇمۇنۇن وشتوعۇ كەڭسەسىنە قاراي جۉرۉش جاساشتى.
ە ق ق ۇنۇن وشتوعۇ كەڭسەسىنىن باشچىسى حيۇگو كارلسون ناارازى بولعوندور تالاپتارىن ۇيۇمدۇن ايماقتاعى باشچىسىنا تاپشىرىشتى. يەۋروپا قووپسۇزدۇعۇ جانا قىزماتتاشتىعى ۇيۇمۇنۇن وشتوعۇ كەڭسەسىنىن باشچىسى حيۇگو كارلسون جووپ ەكى كۉندۅن كىيىن ۇعۇزۇلارىن بئلدىردى.
- ە ق ق ۇنۇن وشتوعۇ كەڭسەسى پولىتسئيانىن كەڭەشچى توبۇنۇن ايماققا كىرگىزىلىشى جارايانىنا قاتىشقان جوق. بۇل ماسەلە قىرعىزستاندىن ۇباقتىلۇۇ ۅكمۅتۉنۉن ۅتۉنۉچۉنۉن نەگىزىندە ە ق ق ۇ عا مۉچۅ 56 ماملەكەتتىن قاتىشۇۇسۇندا تالقۇۇلانىپ، انان چەچىلگەن. بۇعا بئشكەكتىن دا تىيەشەسى جوق. بئروق تالابىڭاردى سۅزسۉز ۋەناعا جۅنۅتۉبۉز. انتكەنى ال جاقتا ە ق ق ۇ نۇن باردىق جەتەكچىلەرى وتۇرۇشات.
اكتسئيانىن قاتىشۇۇچۇلارىنىن بئرى ارستانبەك الىباييەۋ تالاپ الدىداعى ەكى كۉن ىچىندە اتقارىلباسا جەردەشتەرى باشقا قادامدارعا بارا تۇرعانىن ەسكەرتتى:
- كۅرسۅتۉلگۅن مۅۅنۅتتۅ، تاقتاپ ايتقاندا، 29-ىيۇلعا دەيرە تالاپتارىبىز اتقارىلباسا، اندا بئز ە ق ق ۇ نۇ تاپتاقىر جاپتىرىپ سالعانعا اراكەت قىلابىز. ادام ۇقۇقتارىن قورعوبوعوندون كىيىن مىنداي ەل ارالىق ۇيۇمدۇن كىمگە كەرەگى بار ؟
باشقا ماالىمات سايىتتاردىن قابارىنا نەگىزدەلگەندە ، ە ك ك ۇ عا قارشى مىتىنىگ الاتوو ايانتى ، ىسىق -كۅلدۅ دا ۅتكۅرۉلدۉ .
بۇلاعى : ازاتتىق سايىتى
كەزەكتەكى ووردۇڭۇز : 
وشتو ە ق ق ۇ نۇن پولىتسئياسىنا قارشى مئتىنگ ۅتتۉ 
كۅچۉرۉپ الۇۇ 
باسىپ چىعارۇۇ 
دان «وشتو ە ق ق ۇ نۇن پولىتسئياسىنا قارشى مئتىنگ ۅتتۉ» عا بايلانىشتۇۇ مازمۇندۇ ئزدۅۅ
