اپتا ايىمى __ ەلىزا

قــابـار جۉكتۅگۅن : insap جۉكتۅگۅن ۇباقتى : 2010-7-24  وقـۇلـعـان ىـرەتـى : 138ىرەت

【قات سۅۅگۉ : چوڭ ورتو كىچۉۉ 】 

    

"بئرىنچى چىعىش رادىيوسۇندا" ۉنۉ مەنەن كۅپچۉلۉكتۉن جۉرۅگۉنۅن تۉنۅك تاپقان ەلىزا اتتۇۇ دى-دجەي قىز بار. رادىيودو ال ۇعارماندارعا سۇروو بەرسە، بۇل جولۇ بئز اعا سۇروو ۇزاتتىق.

      تولۇق اتى-جۅنۉ – كەنەنبايەۋا ەلىزا اۋتاندىلبەكوۋنا
     تۇۇلعان جىلى – 1987-جىل، 19-ئيۇن
     تۇۇلعان جەرى – كەمىن رايونۇ، ورلوۋكا ايىلى
     بويۇ – 156 سم
     سالماعى – 44 كگ
     بئلىمى – قىرعىز-ورۇس ىسلاۋيان ۇنىۋەرسىتەتىنىن ارحىتەكتۇرا فاكۇلتەتى
     بۇت كىيىمىنىن ۅلچۅمۉ – 33 
     ۇچۇردا – دى-دجەي
     جاشاعان جەرى – بىشكەك شاارى، 4-كىچىرايون
      فوبئياسى – چىچقان
      ۉي-بۉلۅلۉك ابالى – بويدوق
      جىگىتتەردەگى باالاعان ساپاتى – كەڭ پەيىل جىگىتتەردى جاقتىرات

      – "تۇمار" رادىيوسۇنا قانتئپ كەلىپ قالعانسىڭ؟
      – 2007-جىلى سەنتيابىردا <دى-دجەي كەرەك> دەگەن جارىيانى ۇعۇپ، ەجەم رەزيۇمەسىن بەرىپتىر. كاستىنگگە چاقىرىشقاندا مەنى ەەرچىتىپ الدى. ال جاقتاعى كىرىپ-چىققانداردى كۅرۉپ قىزىعىپ، مەن دا قاتىشىپ قالدىم. كىيىن كاستىنگدەن ۅتۉپ جۇمۇشقا الىنعانىمدا كۅپكۅ ىشەنە الباي جۉرگۅم.
        – كۅپچۉلۉكتۅن سۇۇرۇلۇپ چىققانىڭا قاراعاندا باشتان ەلە تالانتتۇۇسۇڭ عو...
        – قايدان، مەكتەپتە وقۇپ جۉرگۅندۅ تاقىر سۉيلۅچۉ ەمەسمىن. جاڭى دى-دجەي بولعوندو دا قوشۇنا، كىلاستاشتارىم، <سەنبى؟ دى-دجەي بولۇپپۇ؟..> دەپ اياباي تاڭ قالىشتى.
        – رادىيو چۅيرۅسۉنۅ ارالاشۇۇدا قىيىنچىلىقتار بولدۇبۇ؟
        – مەن ەڭ جاش قىزماتكەر بولعوندۇقتان،  باشىندا كۅپ جۇمشاشچۇ.  كىچىنەكەيمىن، جاردام بەرىشىم كەرەك دەپ كۉنۉ-تۉنۉ قالىپ ىشتەگەن كۉندۅرۉم دا بولعون. اراكەتىمدى دىرەكتورۇبۇز بايقادى كۅرۉنۅت، 5 ايدان كىيىن ەلە مۇزىكالىق رەداكتور بولۇپ كۅتۅرۉلدۉم. ازىر باارىنا كۅنۉپ قالدىم.
        – كەسىپتەشتەر اراسىندا كۅرۅ الباستىقتاردى بايقاي­سىڭبى؟
        – بىلبەيم، ماعا ەچ نەرسە سەزىلبەيت دەلە. بالكىم، اتاانداشتىق باردىر... بئروق كەسىپتەشتەرىم مەنەن سىي مامىلەدەمىن.
        – اندا ازىر دىرەكتوردۇن وڭ قولۇ ەكەنسىڭ دا...
        – ووبا، وشوندوي دەسە دا بولوت. الەكسەي مەنەن تىعىز ىشتەشكەنىمە بايلانىشتۇۇ بات-بات بۅلمۅسۉنۅ كىرىپ تۇرام. وشوندۇقتان،  كەسىپتەشتەرىم كەەدە <الەكسەي ەلىزانىن اتاسى. ەلىزانى جامانداساق، جۇمۇشتان قۇۇلۇپ كەتەبىز> دەپ تاماشالاپ قالىشات.
       – وقۇۇڭدۇ ىيگىلىكتۉۉ اياقتادىڭ. ەمى الدىعا قانداي پئلانداردى قويۇپ جاتاسىڭ؟
       – دىپلومۇمدۇ العان سوڭ جۇرنالىستىكا بۅلۉمۉنۅ تاپشىرسامبى دەپ تۇرام.
– مايەگىڭە راحمات. ىشتەرىڭە ىيگىلىك!