【قات سۅۅگۉ : 】
12-8-ىيۇل كۉندۅرۉ قىرعىز رەسپۇبلىكاسىنىن اقىيقاتچىسى تۇرسۇنبەك اقۇن جەتەكتەگەن قىرعىز دەلەگاتسئياسى ەلىبىزگە كەلىپ كەتىشتى . دەلەگاتسئيانىن قۇرامىندا وشوندوي ەلە « ماناس-مۇراس » فوندۇنۇن پرەزىدەنتى ابىلقاسىم (باتكەن) شەرنئيازوۋ جانا ماناسچى تالانتاالى باقچىيەۋدەر بولۇشتۇ.
بۇل ساپاردىن ماقساتى – ەلىبىزگە بەلگىلۉۉ ماناسچى جۇسۇپ ماماي مەنەن جولۇعۇشۇپ، انىن چىعارماچىلىعى مەنەن تاانىشۇۇ، « ماناس » ەپوسۇنۇن يۇنەسكونۇن تىزمەسىنە ۇلۇۇ مادانئي مۇراس قاتارى ەلىبىزدە جاشاعان قىرعىزداردىن اتىنان ۇلۇتتۇق ازچىلىق قاتارى كىرگىزىلىشىنە پىكىرىن بئلۉۉ بولعون.
قىرعىزستاندىق دەلەگاتسئيانى 9-ىيۇلدا قىزىل-سۇۇ قىرعىز اۋتونومئيا وبلۇسۇنۇن ادمىنىستراتسئيا ۅكۉلدۅرۉ جانا بۇل ماملەكەتتەگى قىرعىز رەسپۇبلىكاسىنىن كونسۇلدۇعۇنۇن قىزماتكەرلەرى قابىل الىشتى. ئش ساپاردىن جۉرۉشۉندۅ قىرعىزستاندىق قونوقتوردۇ قىزىل-سۇۇ قىرعىز اۋتونومئيا وبلۇسۇنۇن گۇبەرناتورۇ پارحات تۇردۇ تارابىنان قابىل الىنعان.
10-ىيۇلدا اق-چئي ايىلىندا دەلەگاتسئيا مۉچۅلۅرۉ ماناسچى 94 جاشتاعى جۇسۇپ ماماي جانا انىن تۇۇعاندارى مەنەن جولۇققان. ال « ماناس » ەپوسۇنۇن وردۇن قىرعىزداردىن رۇحئي تۇرمۇشۇندا جانا دۉينۅلۉك مادانئياتتاعى ماانىسىن، ەەلەگەن وردۇن ۅتۅ جوعورۇ باالاعان. وشوندوي ەلە ال بۉتۉندۅي قىرعىز ەلىنىن ەنتسىكلوپەدئياسى بولعون رۇحئي بايلىعىبىزعا ايار مامىلە جاسوونۇ قوشۇمچالاعان. « ماناس » – بۇل قىرعىزداردىن مۇراسى، انى ەچ كىم تارتىپ الا البايت » ،- دەپ ايتقان ماناسچى.
جۇسۇپ مامايدىن پىكىرىندە « ماناس » ەپوسۇنۇن يۇنەسكو تارابىنان دۉينۅ ەلدەرىنىن مادانئي مۇراستار تىزمەسىنە كىرگىزىلىشى ەپوستۇن ماانىسى جوعورۇ ەكەندىگىن داعى بئر ىرەت دالىلدەپ تۇرات. دال ۇشۇل جاعدايدان ۇلام ەلىبىز جەتەكچىلىگى ازچىلىقتى تۉزگۅن ەلدىن ۇلۇۇ مادانئي مۇراسىنا قام كۅرۉۉ ىرەتىندە عانا انى يۇنەسكو تىزمەسىنە سۇنۇش قىلعان.
وشول ەلە ۇچۇردا ت.اقۇن ۇۇلۇ بۇل ساپارى مىندان ەكى جىل مۇردا بەلگىلەنىپ، قىرعىزدىن ەكى ۇلۇۇ ۇۇلۇ چ.ايتماتوۋ مەنەن جۇسۇپ مامايدى جولۇقتۇرۇۇ بولعوندۇعۇن، بئروق شۇم اجال ۇلۇۇ جازۇۇچۇنۇ ارابىزدان الىپ كەتكەندىكتەن، ساپار كىيىنكىگە جىلدىرىلعاندىعىن ايتتى. جۇسۇپ ماماي بئر چەتى كۅزۉ تىرۉۉسۉندۅ « ماناس » ەپوسۇ قىرعىزدارعا عانا تىيەشەلۉۉ ەكەندىگىن، مىندان ارى دا قىرعىزداردىقى بويدون قالا بەرەرىن، ەپوستۇن ەلىبىز تاراپتان يۇنەسكو تىزمەسىنە كىرىپ قالعاندىعىنان ۇلام قىرعىزىستاندا چىققان سۅزدۅرگۅ چەكىت قويۇۇنۇ دا ماقسات قىلعاندىعىن قوشۇمچالادى اقىيقاتچى.(ە.مومۇنوۋ)
بۇلاعى : قابار اگەنتتىگى
كەزەكتەكى ووردۇڭۇز : 
ق ر اقىيقاتچىسى جۇسۇپ ماماي مەنەن جولۇعۇشتۇ 
كۅچۉرۉپ الۇۇ 
باسىپ چىعارۇۇ 
دان «ق ر اقىيقاتچىسى جۇسۇپ ماماي مەنەن جولۇعۇشتۇ » عا بايلانىشتۇۇ مازمۇندۇ ئزدۅۅ
