ايىمداردىن مۉچۅ-كەلبەتىنە قاراپ مۉنۅزۉن انىقتايبىز بـئـلـىـم اپـتـــورۇ : بەلگىسىز بـئـلىم جۉكتۅگۅن : QILTAN بــئــلـىـم تـــــۉرۉ : كۅچۉرۉلمۅ جۉكتۅگۅن ۇباقتى : 2010-7-3 وقـۇلـعـان ىـرەتـى : 258 ىرەت

【قات سۅۅگۉ : چوڭ ورتو كىچۉۉ】 

ار بئر ايالزاتى ۅز الدىنچا سۇلۇۇ، بئرى-بئرىنە وقشوشپوعون ۅزگۅچۅلۉكتۅرگۅ ەە. بئرۅۅنۉن جۉزۉ، بئرۅۅنۉن كۅزۉ، بئرۅۅنۉن جان-دۉينۅسۉ دەگەندەي…پسىحولوگدور ايىمداردىن مۉچۅ-كەلبەتىنەن ۇلام انىن مۉنۅزۉن انىقتووعو مۉمكۉن ەكەنىن ايتىپ كەلىشەت.

المۇرۇت فورماسىنداعى مۉچۅ-كەلبەت

جامباشى كەڭ، ۉستۉڭكۉ بۅلۉگۉ ىچكەرەەك كەلگەن ايىمداردىن مۉچۅ-كەلبەتى المۇرۇت فورماسىنا كىرەت. المۇرۇت فورماسىنداعى كەلبەتتىن ەەلەرى ۅزۉنۉن ىچكى تۇيۇمۇنا قاراعاندا باشقالاردىن پىكىرىنە كۅبۉرۅۅك قۇلاق تۉرۉشۅت. مىنداي ايىمدار بۇت-توسۇۇلارعا بات جەڭىلىشەت. كارەرا جااتىندا بئرى-بئرىن تۉشۉنگۅن، قولدوعون كوللەكتىۋدە ۅزدۅرۉن ىڭعايلۇۇ دا، باقتىلۇۇ دا سەزىشەت. تەسكەرىسىنچە، ىنترىگا كۅپ جەرگە تۇش بولسو جەمىن وڭوي جەدىرىشى مۉمكۉن. المۇرۇت فورماسىنداعى ايىمدار ۉچۉن جاشوونۇن ماڭىزى - سۉيۉۉدۅ. تۅشۅك جااتىندا ۅنۅكتۅشۉ تارابىنان وروي مامىلەگە قابىلعاندان قورقۇشات. ۅز كۉچۉنۅ ئشەنگەن، سۇۇدان قۇرعاق چىققانعا جۅندۅمدۉۉ ەركەكتەر - مىنداي ايىمداردىن ئدەيالى.

تىك -بۇرچتۇۇ مۉچۅ كەلبەت

ئيىندەرى مەنەن جامباشى بئردەي ۅلچۅمدۅگۉ ايىمدار تىك بۇرچتۇۇ مۉچۅ-كەلبەتتىن ەەسى. ۅزۉنۅ قاراعاندا ايلاناداعىلار ۉچۉن كۅبۉرۅۅك قام كۅرۉشۅت. كىمدىر-بئرۅۅلۅر تارابىنان قىسىمعا قابىلىشسا ۅزدۅرۉن قورعوش ۉچۉن تۉركۉن جولعو بارۇۇسۇ مۉمكۉن. ۉي-بۉلۅدۅ «رولدۇ» ۅزدۅرۉ باشقارىپ، وڭوي مەنەن ۅنۅكتۅشۉنۅ لىدەرلىكتى الدىرىشپايت. سەزىمتال، بوورۇكەر، چىدامقاي، سابىردۇۇ ەركەكتەر مىنداي تۉردۅگۉ ايىمداردىن جۉرۅگۉن باعىندىرعىسى كەلسە، كۅپ ەمگەك جۇمشاعانعا تۇۇرا كەلەت. انتكەنى، مىنداي ايىمدار وڭوي مەنەن ەركەكتەرگە ئشەنە بەرىشپەيت، ەگەر كۅڭۉلۉنۅ كىمدىر-بئرۅۅ جاقسا انى ۇزاق ۇباقىتقا، تۉركۉن جول مەنەن سىناشى مۉمكۉن.

ۉچ بۇرچتۇق مۉچۅ-كەلبەت

 ئيىنى جامباشىنان چوڭ بئيكەچتەر بئر از مەرەز جانا ەركى كۉچتۉۉ كەلىشەت. الدىداعى ماقساتتارىنا جەتۉۉ ۉچۉن كۅپ نەرسەنى قۇرماندىققا چالىشى دا مۉمكۉن. پسىحولوگدوردۇن ئزىلدۅۅسۉنۅ تايانساق، ۉچ بۇرچتۇۇ مۉچۅ-كەلبەتكە ەە ايىمداردىن كۅبۉ بئيلىكتى جاقشى كۅرۉشۅت. كەەدە ار جاقتا ئيگىلىكتىن ۇچقۇنۇ كۅرۉنۉپ تۇرسا ەركەككە تىيىشتۉۉ جۇمۇشتۇ جاساپ، جووپكەرچىلىكتى موينۇنا العانعا دا دايار. بئرۅۅنۉن قىلعان ئشىنە تاق، تۇۇرا سىن ايتۇۇدان قاچىشپايت. بۇلاردىن بئردەن-بئر ارتىقچىلىعى - قىلعان جاقشىلىعىن ەچ كىمگە، ەچ ۇباقتا مىلدەت قىلىشپايت.

قۇم ساات فورماسىنداعى مۉچۅ-كەلبەت

ەركەكتەردىن قىيالىنداعى مۉچۅ -كەلبەت. ئينى مەنەن جامباشى بئردەي، بەلى ىچكە ايىمدار. جەكە مامىلەنى، الىش-قاتىشتى باالاشات. سۉيۉۉگۅ قابىلسا وشول ادامدىن ئشەنىمىنە كىرگەنگە بولعون مۉمكۉنچۉلۉگۉن جۇمشاشات. تئل تابىشۇۇعا جۅندۅمدۉۉ كەلگەنى مەنەن، بۇلار بال تئلگە بات كىرىپ، بات الدانىشات. ۉي-بۉلۅ مەنەن كارەرانى چوعۇۇ الىپ كەتكەنگە انچا جۅندۅمسۉز، ەگەر كارەرا جە بئر عانا ۉي-بۉلۅ مەنەن الەك بولۇشسا جاساعانىنان مايناپ چىعىشى مۉمكۉن. ادىستەردىن ايتىمىندا، قۇم ساات فورماسىنداعى ايىمداردىن كۅبۉ كارەراعا ۇمتۇلۇشات.